Напаѓачот Ромелу Лукаку, кој моментално е позајмен во Интер, би можел да му се приклучи на Реал Мадрид за следната сезона. Тренерот на европскиот шампион Карло Анчелоти е заинтересиран за трансфер на 29-годишниот фудбалер, кој е во сопственост на англискиот премиерлигаш Челси.
На почетокот на неделата стана јасно дека Интер нема желба да го откупи Лукаку од лондонскиот клуб.
„Нероаѕурите“ го потпишаа напаѓачот на позајмица од Челси во јули 2022 година. Во сезоната 2022/23, тој постигна пет гола и забележа една асистенција на 18 натпревари за миланскиот гигант.
Белгиецот, кој е поранешен играч на Евертон и на Манчестер Јунајтед, е проценет на 55 милиони евра.
