Белгискиот интернационалец Ромелу Лукаку сака да остане во Интер и следната сезона. Тој ја одби понудата на Манчестер Сити да се врати во Премиер – лигата по завршувањето на оваа сезона.
Менаџерот на „граѓаните“, Пеп Гвардиола, е во интензивна потрага по нов напаѓач како замена за Серхио Агуеро кој ќе го напушти „Итихад“ во летниот преоден рок. Манчестер Сити е подготвен да плати 100 милиони евра за Лукаку, но тој нема намера да се врати во Англија.
Белгиецот се препороди по доаѓањето во Интер и сака да настапува со „нероаѕурите“ во ЛШ следната сезона.
Пеп Гвардиола ќе мора да се фокусира на ангажманот на Ерлинг Халанд или на Хари Кејн.
