Звучи неверојатно, но ако пишува „Марка“, тогаш има барем малку вистина. Еден Азар добил понуда да се врати во Белгија и да заигра за второлигашот Вестерло чиј член е Македонецот Ердон Даци. Токму со него би можел да заигра во тандем во шпицот на нападот?!
Еден Азар во летото 2019 година стана најскапиот играч во историјата на Реал Мадрид откако го донесе од Челси за 115 милиони евра. Беше толку многу платен затоа што важеше за наследник на Кристијано Роналдо,
Две и пол години подоцна, неговата вредност е шестпати помала. Не игра поради повреди, лоша форма и вишок килограми. Од доаѓањето во Реал одигра само 54 натпревари. Веќе никој не се сеќава на суперѕвездата која требаше да го носи Реал, бидејќи на левото крило, што е позицијата на Азар, брилијантно игра десет години помладиот Винисиус Жуниор.
Не е тајна дека Реал веќе некое време сака да се ослободи од прескапиот Азар, но невозможно е да се најде купувач за играч кој толку паднал, но сепак има висока плата и кој за еден месец ќе наполни 31 година.
Но, се огласи белгискиот второлигаш Вестерло. „Марка“ пишува дека спас за Азар и Реал може да дојде од „нереална понуда“ која доаѓа од татковината до паднатиот белгиски ас. Поточно од Вестерло, тамошниот второлигаш.
Сопственикот на клубот, турскиот бизнисмен Октај Ерџан, инвестира многу за да влезе во првата лига на Белгија, а неговиот потпретседател Хасан Четинкаја изјави:
„Можам да кажам дека Еден и јас сме пријатели. Кога играше за Лил ми вети дека еден ден би играл за Фенербахче. Вестерло можеби изгледа малку потежок предизвик, но зошто да не ја заврши кариерата тука?“
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski