Челси има водство од 1-0 против Реал Мадрид по првото полувреме на „Стемфорд бриџ“ во реванш натпреварот од полуфиналето во Лигата на шампионите. Тимо Вернер беше стрелец на голот во 28.минута откако се најде на вистинското место и од еден метар ја погоди празната мрежа по шутот на Каи Хаверц кој заврши во гредата.
Реал Мадрид го имаше поседот на топката, Карим Бензема имаше два одлични обиди, но голманот на Челси, Едуард Менди, двапати спаси сигурен гол.
