Ливерпул ја продолжува потерата по Манчестер Сити откако со пресврт во вториот дел го совлада Норич со 3-1 на „Енфилд“. Иако Рашица го изненади домаќинот во 48.минута, сепак, Садио Мане со спектакуларен акробатски гол израмни во 64.минута, а Мохамед Салах три минути подоцна се погрижи за пресврт. Првиот гол во дресот на Ливерпул го постигна и Луис Дијаз за конечни 3-1.
Хаким Зијеч во 89.минута ја погоди мрежата на Кристал Палас и донесе победа за Челси на ова гостување откако претходно по прегледување на ВАР снимката не му беше признат уште еден погодок.
Арсенал славеше против Брентфорд со 2-1, со головите на Енил Смит Роу и на Бакајо Сака, а Вотфорд ја изненади Астон Вила (0-1) на гости со погодокот на Емануел Денис.
Саутемптон беше подобар од Евертон и победи со 2-0. Стрелци на головите беа Стјуарт Армстронг и Шејн Лонг.
