Ливерпул има намера да го ангажира Рандал Коло Муани од Пари Сен Жермен. Претходно беше познато дека напаѓачот е посакуван и од Арсенал, кој ќе биде без својата ѕвезда Букајо Сака во следните два месеца.
Коло Муани, исто така, гледа кон заминување од Париз бидејќи е незадоволен од својот статус како резерва. Францускиот репрезентативец има само два натпревари како стартер во Лига 1 и Лигата на шампионите оваа сезона.
Коло Муани беше доведен од Ајнтрахт Франкфурт во летото 2023 година, а претходно настапуваше за Нант и за Булоњ.
