Францускиот прволигаш Олимпик Лион би сакал да го купи македонскиот репрезентативец Елиф Елмас, пишуваат италијанските медиуми. Според извори на „Тутомеркатовеб“, раководството на Лион во Елмас ја гледа замената за Лукас Пакета. Бразилецот до крајот на преодниот рок најверојатно ќе се пресели во Премиер – лигата.
Елмас оваа сезона исто така не е стартер во тимот на Лучијано Спалети, меѓутоа секако е многу важен играч во ротацијата. Наполи за него бара отштета од 40 милиони евра.
Интерес за Елиф Елмас има од Евертон и од Манчестер Јунајтед, како и од Спортинг Лисабон.
