Лидс Јунајтед се надева дека ова лето ќе го ангажира дефанзивецот Рафаел Гереиро од Борусија Дортмунд. Договорот на 29-годишниот португалски репрезентативец со „жолто-црните“ истекува на крајот од актуелната сезона и раководството на англискиот клуб го следи развојот на ситуацијата.
Левиот бек настапува за Борусија Дортмунд од 2016 година. Во сезоната 2022/23, Гереиро одигра 26 натпревари за Борусија во сите натпреварувања, постигнувајќи четири гола и девет асистенции.
Рафаел Гереиро е поранешен фудбалер на Каен и на Лориен и португалски репрезентативец.
