Напаѓачот на Барселона и капитен на Полска, Роберт Левандовски, изјави дека може да игра до речиси 40-годишна возраст.
„Тоа чувство и таа страст сѐ уште се во мене, мислам дека сум целосно способен физички да играм уште три или четири години“, изјави Левандовски (35), цитиран од шпанскиот спортски весник „Марка“.
Поранешниот играч на Баерн Минхен изјави и дека не размислува да стане тренер во иднина. Откако стана најдобар стрелец во шпанската Ла Лига минатата сезона во дебитантската сезона со Барса, Полјакот има само седум гола на 13 натпревари оваа сезона поради повреда.
Сепак, тој не е загрижен.
„Чувствувам дека сум на вистинското место во вистинско време“, додаде напаѓачот на Барса.
