Левандовски е „крал на головите“ во Европа

Втора година по ред „Златната копачка“ во Европа ја освои полскиот интернационалец и напаѓач на Баерн, Минхен, Роберт Левандовски.

Тој минатата сезона постигна вкупно 35 гола во Бундес – лигата, а зад себе остави имиња како Килијан Мбапе, Чире Имобиле, Карим Бензема…

Минатата година Роберт Левандовски ја прослави својата најдобра сезона во Бундес – лигата по голови. Напаѓачот на Баерн постигна 41 гол, еден повеќе од историскиот рекорд на Герд Милер.

Годинава не е многу помал ефектот на Роберт Левандовски кој сезоната ја заврши со 35 гола на своето конто. Тоа значи дека во конечниот пласман освоил 70 поени. Со оглед дека петте најдобри лиги се завршени, јасно е дека Лева-гол и оваа сезона е најдобар стрелец на Стариот континент.