„Лавовите“ го напаѓаат и второто место на Шкупи (ФОТОГАЛЕРИЈА)

Македонија Ѓорче Петров оствари многу важен триумф (2-1) против Борец, се зацврсти на третата позиција на табелата, но и се доближи до второпласираниот Шкупи. Сега тимот на Жикица Тасевски има 47 бода, само два помалку од Шкупи, кој доживеа непријатен пораз на домашен терен од Беласица. „Лавовите“ до крајот на шампионатот сигурно ќе сакаат да го нападнат и второто место на табелата.

Самир Фазли беше човекот на одлука на денешниот меч во Ѓорче Петров. Тој ги постигна двата гола за Македонија ЃП, во 45. и во 66.минута од дуелот.