Барселона сака да го задржи Осман Дембеле, а претседателот Хоан Лапорта вели дека тој е подобар од Килијан Мбапе кога е здрав и способен за игра. Верува дека францускиот интернационалец ќе остане на „Камп Ноу“.
„Ми се допаѓа Осман Дембеле. За мене тој е подобар од Килијан Мбапе. Дембеле сака да остане во клубот, а и јас сакам да го задржиме. Не е сè во парите, клубот сака да му предложи поголеми работи на играчот“, изјави Лапорта.
Барселона плати огромни 135 милиони евра за трансферот на Осман Дембеле од Борусија Дортмунд. Тој за четири сезони на „Камп Ноу“ одигра 121 натпревар, постигна 30 погодоци и забележа 21 асистенција.
