Иран го заврши настапот на Светското првенство во Катар со пораз од Соединетите Американски Држави (0-1) во третото коло од групата Б. Доколку избраниците на тренерот Карлос Квеирош освоеја бод или победеа, ќе се пласираа во осминафиналето.
„Сè што направија играчите заслужува почит“, изјави Кеирош.
Репрезентацијата на Иран не ја пееше националната химна на првиот натпревар против Англија (2-6) во знак на поддршка за протестите во нивната земја. „Си-Ен-Ен“ објави дека раководството на иранската држава им се заканувало на роднините на играчите со „затвор и тортура“ доколку „не се однесуваат правилно“.
Во следниот натпревар, победата од 2-0 над Велс, Иранците ја пееја националната химна.
„Не е лесно да се живее со закани. Еден ден тие се херои, а другиот ден сакаат да ги убијат. Мораме да донесеме насмевки и среќа“, изјави Квеирош.
