Италијанскиот првак Јувентус одигра на шампионски ниво на гостувањето против Парма и славеше со 0-4. Тимот на Андреа Пирло доминираше во текот на целиот меч, а пропушти и уште неколку шанси за да ја наполни до врв мрежата на домаќинот.
Дејан Кулушевски го отвори резултатот во 23.минута, а само три минути подоцна погоди и Роналдо со удар со глава. Во вториот дел, Португалецот уште еднаш се запиша меѓу стрелците, а на крајот и Мората ја тресеше мрежата на Парма.
Јувентус се израмни бодовно со Интер и се наоѓа на третата позиција.
