Реал Мадрид не успеа да слави на гостувањето на „Естадио де ла керамика“ против Вилјареал. Карло Анчелоти го повика на помош и Герет Бејл, кој по долг период доби шанса како стартер, но „кралевите“ не постигнаа погодок за да стигнат до триумфот. Дуелот заврши без голови.
По ова реми, Реал Мадрид сега има четири бода предност на врвот на табелата во однос на Севилја.
Без Карим Бензема, кој е неизвесен дури и за мечот од Лигата на шампионите против ПСЖ, тимот на Реал Мадрид не делува така моќно во нападот. На минатиот меч Марко Асенсио извлече минимален триумф, но овојпат „кралевите“ ремизираа без голови.
