Челниците на Тотенхем ја гледаат паузата што ќе ја имаат клубовите за време на Светското првенство како идеална можност да го убедат Конте да остане во лондонскиот клуб на долг рок. Италијанскиот стручњак во минатото покажа дека е мајстор за освојување титули, па сега владее еуфорија кај навивачите на Тотенхем дека трофејот од Премиер – лигата на крајот од сезоната може да заврши во витрините на нивниот клуб.
Покрај разговорите за нова соработка со Конте, сопственикот на Тотенхем, Даниел Леви, е подготвен да потроши дури 200 милиони евра во следните два трансфер периоди.
Дополнително, платата на Конте би „скокнала“ на 23 милиони евра, што е приближна сума на онаа што ја заработува Пеп Гвардиола.
