Мануел Локатели најави дека ќе го напушти Сасуоло ова лето, но и потврди дека ПСЖ е една од можните идни дестинации. Поранешниот фудбалер на Милан се поврзуваше со Јувентус и со Манчестер Сити, но според италијанските медиуми, Сасуоло нема да му дозволи да замине за сума помала 40 милиони евра. Иако неговиот договор на стадионот “Мапеи” истекува во 2023 година, тој не се гледа повеќе во овој клуб.
“Му благодарам на Сасуоло затоа што тие веруваа во мене кога никој друг не веруваше, но сите знаеме која е најдобрата одлука за мојата кариера, а мојата иднина може да биде во Италија или странство”, изјави италијанскиот репрезентативец за “Л’Екип”.
“Би сакал ново искуство надвор од Италија, затоа што не ја добивате истата можност двапати. ПСЖ е врвен клуб, има Италијанци, но исто така и Нејмар и Килијан Мбапе, кој е иден освојувач на “Златната топка”. Исто така, Париз е прекрасен град.
“Двата натпревари од четвртфиналето во Лигата на шампионите помеѓу ПСЖ и Баерн Минхен беа фантастични. Бев импресиониран од квалитетот на нивните додавања, ја видовме разликата помеѓу добри играчи и шампиони”, додаде Локатели.
