Последен чекор до целта. Струга Трим Лум во финишот од првенството направи неколку големи чекори и ја престигна Македонија ЃП во трката за освојување на третото место на табелата кое води во Европа. Но, денеска е денот а одлука, а стружани мора да го освојат Кратово за да минат низ целта пред „лавовите“.
Свесен е за тоа и капитенот на Струга Трим Лум, Фљамур Таири, кој вели дека ова е можеби најважниот натпревар во историјата на клубот. Но, и Силекс се бори да избегне бараж за опстанок.
„Не чека многу тежок натпревар против силен противник, но овој дуел е многу важен за нас бидејќи со победа би се пласирале во европските купови. Тоа би бил историски резултат за нашиот клуб по само две сезони во Првата лига. Фокусирани сме максимално и се надеваме на најдобро“, изјави Фљамур Таири.
Македонија ЃП има релативно последна задача на теренот, да ги освои бодовите против демотивираниот тим на Вардар кој е веќе испаднат во второлигашка конкуренција. Но, „лавовите“ не зависат сами од себе, туку и од резултатот во Кратово.
Шкендија во Тетово ќе ја слави титулата на дуелот против второпласираниот Шкупи и сигурно ќе сака уште еднаш да го докаже квалитетот.
Ренова во Гостивар го пречекува Работнички, а Академија Пандев е домаќин на Борец во обидот за избегнување на бараж за опстанок во елитата. Пелистер има обезбеден опстанок, а во последното коло ќе ја пречека Беласица.
Евро-фудбал
Лука Јовиќ опериран, ќе паузира еден месец
Тимови
