Челси оствари значајна победа на гостувањето кај Копенхаген (1-2) во осминафиналето од Конференциската лига, носејќи предност пред реваншот на „Стемфорд Бриџ“. Лондонскиот тим се соочи со цврст противник и првиот дел заврши без голови.
Рис Џејмс го отвори резултатот во 47. минута, а Енцо Фернандез го зголеми водството. Домаќините намалија преку Габриел Переира во 80. минута, но немаа сили за изненадување.
Фиорентина доживеа неочекуван пораз од Панатинаикос (3-2) во Атина. Грчкиот тим поведе со головите на Свидерски и Максимовиќ, но Белтран и Фаџоли брзо израмнија. Победничкиот гол за домаќините го постигна Тете во второто полувреме.
Бетис и Викторија Гимараеш одиграа возбудлив натпревар (2-2) на „Бенито Виљамарин“. Бакамбу донесе водство за шпанскиот тим, Мендес израмни, а Иско повторно го доведе Бетис во предност. Сепак, Оливеира во завршницата донесе реми за гостите.
Молде триумфираше против Легија со 3-2. Хестад, Ериксен и Гулбрандсен ја донесоа големата предност за норвешкиот тим во првиот дел, но Легија се врати со голови на Чодина и Лукинас. Полскиот тим, сепак, не успеа да стигне до целосен кам-бек.
Реваншите ќе се одиграат следната недела.
