Прославениот романски фудбалер Кристијан Киву (42) ќе стане нов тренер на Интер доколку актуелниот шеф на струката Симоне Инзаги (46) не избори учество во Лигата на шампионите.
„Нероаѕурите“ во моментов се четвртопласираниот тим во Серија А со 50 бодови, но се наоѓаат во лоша серија од четири меча без победа.
Според неофицијални информации, Инзаги би можел да добие отказ доколку во следната рунда не го победи Јувентус на гостувањето во Торино.
Легендарниот романски репрезентативец и поранешен стопер на Интер, Кристијан Киву. веќе постигнал договор со раководството на миланскиот великан и сега чека само тоа да биде потврдено.
Киву моментно работи како тренер во помладите категории на Интер.
