Македонскиот репрезентативец Кире Ристевски е на чекор до потпис на договор со кипарскиот прволигаш АЕЛ Лимасол. По одличните игри во дресот на Ујпешт, унгарскиот клуб му понуди нова соработка на Ристески, но тој одлучи да ја прифати понудата на АЕЛ Лимасол и ќе биде нов соиграч на Давор Здравковски.
Тренерот Душан Керкез инсистирал на доаѓањето на Кире Ристевски кого го смета за големо засилување за тимот за следната сезона. Тој има 43 настапи во националниот тим на Македонија, а во Унгарија имаше забележителни натпревари во дресот на Ујпешт и претходно во Вашаш.
