Голманот на Пари Сен Жермен, Кејлор Навас, го продолжи договорот со клубот до 2024 година. Раководството на „светците“ ја искористи клаузулата во договорот за продолжување на соработката за уште една дополнителна сезона, со оглед дека актуелниот договор има важност до 2023 година. Костариканскиот голман со задоволство прифати да остане на „Паркот на принцовите“ и во наредните три сезони.
Оваа сезона 34-годишниот голман бранеше на 37 натпревари во сите конкуренции и е прв избор на тренерот Маурисио Покетино. На негово барање Кејлор Навас ќе остане уште долго во редовите на ПСЖ.
Францускиот клуб утревечер го пречекува Манчестер Сити во првиот полуфинален меч од Лигата на шампионите.
