Вардар доживеа дебакл во Кратово, загуби од Силекс со 6-0 и падна во опасната зона на табелата. Најтрофејниот македонски клб денеска (13 часот) има уште еден важен испит, исто така директна пресметка за опстанок против Ренова. Главното прашање е дали младите фудбалери ќе успеат психолошки да се вратат по убедливиот пораз и да се покажат во сосема поинакво издание против Ренова. Едноставно ќе мораат, затоа што позицијата на вардарци на табелата воопшто не е сјајна.
Академија Пандев загуби од Шкупи (0-1) во Струмица во минатото коло, а сега оди на гости кај лидерот Шкендија. Тимот на Александар Васоски има четири бода повеќе од најзагрозените Ренова и Вардар и не смее да си дозволи луксуз повторно да загуби. Ќе биде тоа интересен дуел во Тетово.
Шкупи очекува „лесни три“ против Беласица, а Македонија ЃП ќе има тежок дуел против Борец. Неизвесно ќе биде и во Струга каде домаќинот го пречекува Работнички. Пелистер и Силекс ќе водат голема битка за бодови за опстанок.
