
Најтрофејниот македонски клуб Вардар и понатаму тоне на табелата во Првата лига, а тоне и во долгови кои се наталожени под раководство на спонзорот Сергеј Самсоненко. Неофицијално, долговите достигнуваат до 4 милиони евра, а тој повторно го понудил да го врати на Град Скопје, со напомена дека ќе се обврзе да ги врати долговите, направени заклучно со 31.12.2020 година, во период од една дополнителна година.
Ова значи дека Град Скопје треба да се согласи да го преземе клубот со долгови, што досега за градоначалникот Петре Шилегов беше спорно. Тој во неколку јавни настапи велеше дека нема да ги оптоварува граѓаните на Скопје со долговите направени од претходното раководство на ФК Вардар.
Сепак, се ближат избори, па мора да се постигне некаков договор и македонскиот фудбалски бренд мора да биде спасен. Отсекогаш Вардар бил во вртологот на политичките игри, а така е и овојпат. Вардар мора да биде вратен на Град Скопје, а потоа да се отвори патот за влез за нови инвеститори во најтрофејниот клуб.
На пет кола до крајот на првенството во Првата лига, Вардар е во опасната зона на табелата и му се заканува испаѓање во понизок ранг.

-
МАКФУДБАЛ ТИМ НА КОЛОТО ВО ПРВАТА ЛИГА
Четири натпревари, нема многу избор, но, сепак, победите мора да се вреднуваат. Вардар успеа...
Автор makfudbal
-
(ИН)ДИРЕКТ: Ќе си ја земам топката и ќе си одам – Кај ќе одиш, на апарати?!
Кај нас во маало, а верувам и во други маала низ нашава Македонија, најубавата...
Автор Nikola Gjurovski

Интернационалци
Дамјан Шишковски ќе го продолжи договорот со Борац Бања Лука

Евро-фудбал
Арсенал сака да го купи Ентони Гордон од Њукасл
