Единсон Кавани е нов фудбалер на Бока Јуниорс. Уругвајскиот репрезентативец потпишa договор до декември 2024 година и ќе го носи дресот со број „10“ во новиот клуб.
Уругваецот се враќа во Јужна Америка по 16 години минати во Европа, каде играше за Палермо, Наполи, Пари Сен Жермен и за Манчестер Јунајтед, пред минатото лето да се пресели на „Месталја“.
Кавани имаше договор со Валенсија уште една сезона, но на негово инсистирање договорот беше раскинат за тој да се приклучи на Бока Јуниорс како слободен играч.
Во последната сезона, Кавани одигра 25 натпревари во Ла Лига, на кои постигна пет гола и забележа две асистенции.
