Кавани ќе потпише за Бока Јуниорс

Уругвајскиот интерационалец Единсон Кавани ќе потпише за аргентинскиот гигант Бока Јуниорс. Тој одлучи да се врати во Јужна Америка иако имаше неколку понуди од европски клубови.

Борусија Дортмунд во последен момент се обиде да го добие овој искусен напаѓач, претходно имаше понуда и од Вилјареал, но Кавани веќе одлучи каде ќе ја продолжи кариерата.

Кавани има 35 години, во текот на кариерата настапуваше за Данубио, Палермо, Наполи, ПСЖ и за Манчестер Јунајтед.