Шпанскиот гигант Реал Мадрид официјално потврди дека Едуардо Камавинга потпиша нов договор.
Откако претходните денови Винисиус Жуниор и Родриго се согласија на нова соработка, на ред дојде Камавинга.
Французинот потпиша договор до 2029 година, а неговата откупна клаузула исто така е одредена на една милијарда евра.
Камавинга пристигна во Реал Мадрид од Рен пред две години за 31 милион евра и како што стојат работите, тоа ќе биде една од подобрите зделки за мадриѓани во модерната историја.
Камавинга досега ја има освоено Лигата на шампионите, Ла Лига, Копа дел Реј, Светското клупско првенство и Суперкупот на Шпанија, но не треба да се заборави дека има само 20 години.
