Раководството на Јувентус до крајот на оваа седмица ќе одржи нова рунда преговори со агентот на напаѓачот Пауло Дибала. Доколку страните не успеат да постигнат договор, клубот од Торино е подготвен да ги прекине понатамошните преговори, тврдат италијанските медиуми.
Јувентус е подготвен да му плаќа на Дибала 7 милиони евра по сезона, плус 3 милиони во вид на разни бонуси. Јувентус бара од агентот на Дибала, Хорхе Антун, да се откаже од голем дел од провизијата за договорот.
Во сезоната 2021/22, Дибала одигра 27 натпревари за Јувентус, постигнувајќи 12 гола, а забележа и шест асистенции.
Напаѓачот настапува за Јувентус од јули 2015 година, а актуелниот договорот на Аргентинецот со клубот има важност до крајот на јуни.
