Јувентус можната замена за Масимилијано Алегри ќе ја побара во своите редови. Тој ќе добие уште една шанса да ги подобри резултатите на тимот, а доколку ракјоводството реши да му даде отказ, за што ќе мора да му исплати огромна сума како отштета, тогаш наследникот ќе го бара во Паоло Монтеро.
Поранешниот дефанзивец сега е тренер на тимот на Јувентус во Примавера. Пред да ги преземе талентите на „бјанконерите“, Уругваецот стекна искуство со екипите на Росарио, Сан Лоренцо и Колон Санта Фе во Аргентина.
Тренерската позиција на Масимилијано Алегри е сериозно разнишана. „Бјанконерите“ досега имаат само две победи во сите натпреварувања, а најголем срам беше поразот од последноплаираниот тим во Серија, Монца (1-0) во последното коло.
