Италијанскиот калчолигаш Јувентус ја подобри понудата до аргентинскиот ас Анхел Ди Марија, кој како слободен играч ќе го напушти Пари Сен Жермен. „Старата дама“ ќе му понуди на 34-годишниот договор на една година со опција за продолжување на уште една сезона во обид да го убеди да го избере Торино пред Барселона.
Во Јувентус сфаќаат дека главна желба на Ди Марија е да се врати во татковината во 2023 година, па затоа и дале таква понуда.
Фудбалерот се уште нема донесено одлука, а желбата на неговото семејство е да се врати во Шпанија.
Ди Марија играше за Реал Мадрид во периодот од 2010 до 2014 година, по што се пресели во Манчестер Јунајтед за 75 милиони евра. Една година подоцна тој замина во ПСЖ.
