Италијанскиот калчолигаш Јувентус одреди цена од 60 милиони евра за својот фудбалер Федерико Киеза. „Газета дело Спорт“ тврди дека „бјаконерите“ не се убедени дека 25-годишниот крилен напаѓач ќе го продолжи договорот, кој има важност уште две години, и се подготвени да го продадат на лето доколку некој клуб ја плати бараната сума.
Ливерпул, Баерн Минхен и Пари Сен Жермен се клубовите кои се заинтересирани за Киеза, иако малку потивко во трката се вклучи и Астон Вила.
Јувентус се соочува со финансиски проблеми откако не успеа да избори пласман во Лигата на шампионите следната сезона, а поради казната од 10 бода што ја доби за финансиски малверзации во периодот на ковид-кризата.
