Јувентус го победи Наполи со 1-0 во Торино и се искачи на првата позиција на табелата во Серија А со 36 бода, еден повеќе од Интер. Дефанзивецот Федерико Гати беше стрелец на единствениот гол на натпреварот. Тој во 51.минута со удар со глава успеа да ја затресе мрежата на „наполитанците“.
Наполи ќе жали за огромната шанса на Квича Кварацкелија во првиот дел, кога излезе сам пред голот по асистенцијата на Осимен, но шутираше над голот.
Во второто полувреме, Осимен постигна гол, но не беше признат поради офсајд позиција во која се најде Нигериецот.
