Јувентус има катастрофален старт во Серија А, но тренерот Масимилијано Алегри се надева дека барем ќе успее малку позитива да внесе со настапите во Лигата на шампионите. Но, и тука ситуацијата во редовите на „старата дама“ не е идеална.
Јувентус вечерва против Малме во Шведска го почнува патот кон трофејот во елитното натпреварување, а во составот на Алегри воопшто ги нема италијанските репрезентативци Федерико Киеза и Федерико Бернардески.
Бразилецот Артур ист така е повреден, а надвор од списокот останаа и Пелегрини и Кајо Жорге. Добра вест е што Пауло Дибала се и останатите интернационалци од Јужна Америка се приклучија за патувањето во Шведска, со оглед дека не беа дел од тимот против Наполи.
