Најдобрата македонска судијка, Ива Пројковска, испишува историја во македонскиот фудбал со оглед дека ја доби довербата да биде главен судија на натпревар од Првата фудбалска лига. Таа ќе ја дели правдата на мечот во Тетово, меѓу Шкендија и Победа, Нејзини асистенти ќе бидат Гоце Перески и Дејан Костадинов.
Ива Пројковска е веќе апсолутно докажана судијска со знакот на ФИФА и суди натпревари во женската Лига на шампионите.
Натпреварот меѓу Струга ТЛ и Академија Пандев ќе го суди Јосип Бартон, а Стојанче Стојанов ќе дели правда на дуелот меѓу Шкупи и Скопје.
Александар Грујоски ќе биде главен судија на мечот меѓу Брегалница и Тиквеш, додека Александар Ставрев ќе ја суди саботната пресметка меѓу Македонија ЃП и Работнички.
