Фудбалската репрезентација на Исланд, која е ривал на Македонија во квалификациите за СП 2022, доби нов селектор. Исландската фудбалска федерација објави дека Арнар Видарсон е назначен за нов селектор на А-репрезентацијата. Негов прв асистент ќе биде легендарниот Еидур Гудјонсен, кој му помагаше и во работата со наципналниот тим до 21 година.
Видарсон од јануари 2019 година беше ангажиран како селектор на репрезентацијата до 21 година, а сега ќе се пресели во А-селекцијата на Исланд. Македонија првиот меч со Исланд во квалификациите за СП 2022 ќе го одигра на 5 септември на гостински терен.
