Работнички се засили со Демир Имери

Македонскиот прволигаш Работнички доведе уште едно квалитетно засилување пред затворањето на летниот трансфер прозорец во Македонија. Нов член на клубот од Дебар Маало е Демир Имери, офанзивецот кој минатата сезона беше еден од најдобрите играчи на Шкупи.

Имери потпиша едногодишен договор со Работнички и всушност се враќа во клубот каде настапуваше пред повеќе од една деценија, кога во сезоната 2011/12 дојде од Влазрими.

Демир Имери градеше и интернационална кариера, беше член на Андижон, Влазнија, Егнатија, Атирау, Кеми, Олимпик Доњецк…Во Македонија играше и за Шкупи, Шкендија, Ренова…

Работнички ќе го доведе на позајмица и младинскиот репрезентативец Димитар Трајков како засилување за нападот.