Струга Трим Лум имаше успешно деби на европската сцена. Македонскиот претставник во Конференциската лига на УЕФА ремизираше (1-1) против Лиепаја во Летонија и има активен резултат пред реваншот во Скопје за седум дена.
Стрелец на голот за стружани беше Бесир Исени во последните мигови од мечот. Тој е пресреќен поради ваквиот развој на настаните.
“Среќен сум за голот, а уште повеќе што имаме еден активен резултат. Верувам дека во Скопје ќе бидеме уште подобри и дека ќе се пласираме во следната рунда”, изјави стрелецот на голот за Струга Трим Лум.
