Италијанскиот првак Интер утревечер ќе гостува на „Енфилд Роуд“ и ќе се обиде да направи чудо откако првиот осминафинален меч против Ливерпул дома го загуби со 0-2. Според тренерот Симоне Инзаги, клучно би било Интер да постигне барем еден гол во првото полувреме.
„Интер одамна не бил во оваа фаза на Лигата на шампионите. Знаевме дека ќе играме против Ливерпул, кој е еден од најдобрите тимови во ова европско натпреварување последните години. Бевме на ниво и на минатиот натпревар, но во финишот примивме лесни голови. Сега ќе мора да постигнеме барем еден во првото полувреме и да се вратиме во игра“, изјави Симоне Инзаги на прес-конференцијата.
Натпреваерот меѓу Ливерпул и Интер е закажан за утревечер, со почеток во 21 часот.
