Италијанскиот шампион Интер покажува интерес за позајмица на крилниот напаѓач на Ливерпул, Федерико Киеза, во јануари. Ливерпул го ангажираше италијанскиот репрезентативец летово за 12,5 милиони фунти, но тој досега има одиграно само еден натпревар во Премиер – лигата и вкупно 78 минути во сите натпреварувања.
Во последните пет натпревари, Киеза не беше во составот поради физички проблеми.
Менаџерот на Ливерпул, Арне Слот, неодамна изјави дека најважно за Киеза е да ја надгради својата физичка подготвеност за да може да се справи со високиот интензитет на англискиот фудбал, посочувајќи дека во моментот нема намера да го испрати на позајмица. Сепак, шпекулациите за можен трансфер во јануари продолжуваат.
Според „Тутоспорт“, Интер веќе има конкретни планови за позајмица на Киеза, а интерес покажуваат и Милан и Рома.
