Интер ќе го откупи полскиот репрезентативец Никола Залевски од Рома, пренесуваат италијанските медиуми. Тој моментно настапува за „нероаѕурите“ како позајмен играч од римскиот клуб.
Залевски пристигна на „Џузепе Меаца“ на последниот ден од зимскиот преоден рок за 600.000 евра, а Интер има можност да го откупи неговиот договор за сума од 6 милиони евра. Според информациите, миланскиот клуб ќе ја активира таа клаузула.
Полјакот има договор со Рома уште една сезона, но очекувањата се дека целосно ќе се пресели во Интер по успешната полусезона, во која одигра 12 натпревари и постигна еден гол.
