Лидерот во Серија А, Интер, го претстави своето прво засилување во зимскиот преоден рок. Станува збор за 24-годишниот канадски играч за врска Тејон Бјукенан, кој доаѓа од Клуб Бриж и воедно е првиот репрезентативец на својата земја во историјата на елитниот италијански фудбал.
„Нероаѕурите“ ќе платат 7 милиони евра плус уште еден во вид на можни бонуси за правата на играчот кој ќе заработува 1,5 милиони евра по сезона. Договорот на играчот е до летото 2028 година.
За канадската репрезентација Бјукенан има 35 натпревари и четири постигнати гола. Оваа сезона има 20 настапи со три гола и четири асистенции во сите натпреварувања за Клуб Бриж.
