Брегалница и Вардар одиграа без голови под Исарот. Тоа можеше да се промени во послендите мигови од натпреварот, кога штипјани по еден прекин постигнаа погодок. Стрелец беше Виктор Велкоски, но, сепак, судијата Стојан Трпчевски и помошниците проценија дека се работи за офсајд ситуација.
Гачевски ја боксуваше топката, таа удри во главата на еден фудбалер на Брегалница и се одби кон голот, а таму се најде Виктор Велкоски, кој беше осамен и во офсајд ситуација. Сепак, штипјани реагираа дека на патот кон голот, топката удрила гостински фудбалер, а во таква ситуација, сепак, не би требало да има офсајд позиција.
