Македонскиот фудбалски репрезентативец Илија Нестороски не ги заборава своите прилепчани во моментите на криза предизвикана од коронавирусот. Тој помогна голем број загрозени семејства од Прилеп пред Велигденските празници со храна и неопходни продукти. Во текот на денешниот ден, помошта им е поделена на оние на кои им е најпотребна во овие мигови.
Претходно, Нестороски донираше финансиски средства за болницата во Прилеп, а заедно со фудбалските репрезентативци на Македонија испрати донација и во фондот за борба со Covid-19.
