Златан Ибрахимовиќ го победи коронавирусот, се врати во тимот на Милан и постигна два гола во „Дерби дела мадонина“, пресудувајќи му на големот ривал Интер во триумфот од 1-2. Потоа во свој стил објави на Инстаграм како „лавот е целиот во крв затоа што го изел пленот“.
39-годишниот Швеѓанец вели дека би бил незадржлив ако сега е малку помлад и има, на пример, 30 години, но и вака секако е незадржлив.
„Да бев малку помлад, на пример, да имав сега 30 години, ќе бев незадржлив. Но, ете и сега сум незадржлив“, изјави во свој стил Златан Ибрахимовиќ.
