
Шкендија го продолжува својот европски пат во новата сезона по победата од 0-1 на гостувањето против романскиот Ботошани во 2. квалификациско коло од Лигата на Европа.
Тетовци одиграа одличен натпревар во Романија, тактички комплетно надмудрувајќи го противникот и покрај тоа што речиси половина час беа и со играч помалку на теренот по исклучувањето на Арменд Алими во 67. минута од средбата.
А, Шкендија извонредно го отвори натпреварот со прекрасниот лоб удар на Бесарт Ибраими за водство од 0-1…
Во продолжението, Ботошани сосема очекувано тргна далеку поофанзивно главно преку креаторот на играта, македонскиот репрезентативец Давид Бабунски. Но, Шкендија максимално ги неутрализираше сите напади на Романците кои останаа без посериозни можности.
Во второто полувреме слична слика на теренот. Романскиот тим по исклучувањето на Адеми притисна дополнително кон голот на Захов, но низ тактичко одлично издание Шкендија максимално сигурно во дефанзивата не дозволи израмнување, за конечен пласман во третата квалификациска рунда.
Во 3. квалификациско коло Шкендија во Скопје, на 24. септември, ќе го очекува подобриот од пресметката меѓу Локомотив Пловдив и Тотенхем.

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум и Силекс имаат максимален ефект по четири кола, Вардар очекувано го...
Автор makfudbal
-
МАКФУДБАЛ ИГРАЧ на колото: Басиру Компаоре (Струга ТЛ)
Струга Трим Лум најави дека ќе се врати посилна оваа сезона и засега тој...
Автор makfudbal

Евро-фудбал
Белгијците очекувано го декласираа Лихтенштајн

Млади репрезентации
Македонија У19 подобра од БиХ на првиот тест

Млади репрезентации
Дашмир Елези: Одиме меч по меч, Македонија може многу во овие квалификации

Интернационалци
Бојан Димоски потпиша за ТСЦ
