Почесниот претседател на Баерн Минхен, Ули Хeнес, прокоментира дека Баер Леверкузен треба сериозно да се сфати во битката за титулата. „Аспирините“ имаа неверојатна полусезона и се лидери по првиот дел од шампионатот во Бундес-лигата.
„Мислам дека Баер Леверкузен како ривал треба да се сфати сериозно. Шанса има и Лајпциг. За Штутгарт треба да видиме, Борусија Дортмунд веројатно веќе не е во битката. Но, во Баер Леверкузен и Лајпциг имаме ривали со кои не може да се слави титулата на Велигден. Тоа воопшто не е лошо за германскиот фудбал“, изјави Хенес.
Баер Леверкузен е лидер на табелата со 42 бода, четири пред Баерн Минхен кој има и меч помалку.
