Во првиот натпревар од осминафиналето на Лигата на шампионите, Манчестер Сити синоќа во Лисабон убедливо го победи Спортинг со резултат 0-5. Менаџерот на Сити, Пеп Гвардиола, истакна дека резултатот, сепак, е нереален според случувањата на теренот.
„Тие се одличен тим, што го покажаа во првите седум минути. Верувајте ми, разликата не е 5-0. Ние бевме клинички точни. Во фудбалот има едно правило – кога ја имате топката, обидете се да не ја загубите. Презадоволен сум бидејќи тие се фантастичен тим, шампион на Португалија, а ние направивме неверојатно голем исчекор кон четвртфиналето“, изјави Гвардиола.
Реваншот е на 9 март во Манчестер, а Сити стана првиот тим во историјата на Лигата на шампионите со пет последовни победи на гостински терен.
