Манчестер Сити со пресврт во второто полувреме успеа да стигне до триумф (1-2) во Париз и е на чекор до пласман во големото финале во Лигата на шампионите. ПСЖ по првиот дел имаше водство со голот на Маркињос, а менаџерот на „граѓаните“ Пеп Гвардиола откри што побарал од своите фудбалери на одморот.
„На паузата не сменивме многу, само ги замолив момците да играат фудбал, да покажат дел од својoт победнички карактер. Им реков, ако загубиме, барем да знаеме дека сме одиграле како што навистина знаеме. Излеговме во вториот дел и заличивме на Манчестер Сити“, изјави Пеп Гвардиола.
Реваншот се игра на 4 мај на „Итихад“.
