Менаџерот на Манчестер сити, Пеп Гвардиола, посвети дел од времето и за политика на денешната прес – конференција. Тој ги нападна политичарите од западниот свет и уште еднаш миу даде поддршка на украинскиот репрезентативец Олександер Зинченко.
„Ситуацијата е загрижувачка, како што продолжува војната, ќе станува полошо и полошо. Тој е вклучен во проектите на неговата земја и најдобро знае како е, бидејќи неговото семејство е таму. Станува полошо, ова е веќе осум, девет дена, и ќе биде подолго. Тоа што го правиме ние и Премиер – лигата на крајот е само гест. Политичарите треба да ги избегнат ваквите работи. Ова се случува бидејќи тие се целосно неспособни. Се случуваше и во Палестина, Југославија, Сирија. Бидејќи не можат да направат ништо. НАТО и европските нации се неспособни“, изјави Гвардиола.
