Манчестер Сити се подготвува да донесе нов голман од летото 2025 година, откако сегашниот прв голман Едерсон најави дека ќе го напушти клубот. Според италијанските медиуми, замената за него ќе пристигне од Јувентус.
Менаџерот на Сити, Пеп Гвардиола, го избрал Микеле Ди Грегорио како ново засилување за голманската позиција.
Ди Грегорио моментално е дел од Јувентус, каде што пристигна минатото лето на позајмица од Монца. Јувентус има обврска да плати 14 милиони евра на Монца до крајот на сезоната за да го откупи договорот на голманот.
Интересно е што Ди Грегорио е производ на академијата на Интер и го поминал својот развој во нивниот младински систем.
